15/4/2011 10:54

 

زنجه زنجه

يا معمر القذاقي                       يا مدمر المشافي

يا معطر الصفا                        يا موسخ النظافة

يا ميتم الاطفال                        يا مبهدل الثقافة

بحكي باسم الشعب الليبي            وبقلك اصحى يا غافي

بتكدس المليارات                    وتارك شعبك ماشي حافي

بتحرق ابار البترول                وبتخرب المصافي 

شعبك كرهك من زمان            وعبرلك تعبير صافي

وقدملك اكبر برهان                وشرحلك الشرح الوافي

شامخ وراسه مرفوع               مثل راسي الزرافي

وانت تايه وسكران                نايم وسراجك طافي

حركاتك همجيه                   وكلامك كله سخافه 

صرت اربا على نفسي         مرر اسمك على شفافي

شايف نفسك علي               وانت طلعت على كتافي

ما منرضى  بحكم  معتوه       تصرفه خرافي

ما بيلبقلك تحكم شعب         كله رقه ولطافه

بيلبقلك تبقى عتال             او صانع عند سكافي

او راعي بالبريه            ترعى سخولي وخرافي

او تدخل عالمرستان       فيه العلاج الشافي 

ارحل حل عن ظهورنا    الله لا يعطيك عافيه

واذا تمسكت بغرورك   زنجه زنجه عالقرافه

حتى نفرق حلاوه         بقلاوة وبرما وكنافه   

 بقلم : منعم توفيق عبود