 |
|
|
|
6 خطوات لتكبير الشفاف ! 18/7/2011 12:01
6 خطوات لتكبير الشفاف ! احنا الصبايا منحب إنو دايماً نظهر بأحلى شكل و دايماً مندور على طريقة اللي نحسن فيها شكلنا .. و بلاقي إنو الظاهره هي بتزيد لما الموضوع فيو صور و كاميرا . ! إليوم راح نعطيكو طريقه كتير سهله لتكبير الشفاف من دون أي حاجه لعمليات تجميل أو مخاطره ..و هالطريقه كتير مفيده بالصور ! امشي حسب هدول الخطوات و شوفي النتيجه بنفسك .. الخطوة الاولى: حطي كريم الاساس على وجهك وبالذات على منطقة الشفاف لاخفاء الخط الاساسي لشفافك . الخطوة الثانية : تخطيط الشفاف و بلشي من وسط الشفه , باتجاه الاطراف الخارجية . الخطوة الثالثة: إذا كانت الشفاف رفيعة تجاوزي الحدود الطبيعية شوي صغيره وانهي الخط قبل الاطراف بشوي , استعملي محدد الشفاف لتحديدها بخط أعلى من خط الشفاف الطبيعي و لازم لون القلم اللي بتستعمليه للتحديد ما يكون اغمق بكتير من لون الشفاف الطبيعي. الخطوة الرابعة: استعملي فرشاة خاصة لتوزيع احمر الشفاف. الخطوة الخامسة:ضيفي ملمع الشفاف لمنتصف الشفاف و انتبهي إنو ما يصل للحواف او للتحديد, و ممكن انك تحطي ملمع شفاف على الشفه التحتانيه من دون اللي فوق لتحصلي على مظهر ممتلىء لها.
الخطوة السادسة : اذا حستي انو خط التحديد بارز بتقدري تستعملي قطن المكياج لتخفيفه ودمجه مع احمر الشفاف .
|
