العام الجديد (2014)

تأليف الشاب الشفاعمري: محمد قادرية

العام اللي مضى كثرو القضايا         حزن وألم ونِعَم وعطايا

مَرَّت مثل ما بترمش عينيِّي       وما تركت من شظايها بقايا

وبِهالليلة النقلة المفصلية              لسنة مليانة طيَّات وخبايا

لو كانت سنة بخيراتها غنية    ومثل قلب اللي نابض بالروايا

انشالله تدوم وتبقى نقية               وتظل ايامها بطيبة سخايا

واذا كانت سنة فيها بَلِيِّة          وزِدْنا ضُعُف وهموم ومنايا

منِخْتم للقتل اخر قضية         ما عادت أرضنا تِحْمِل ضحايا

ونتخلَّص من الغيبة والخَطيِّة           لأنو لبعضنا نِحنا مرايا

ونتعامل مع بعض بصفا نِيِّة      ونمشي عالمناهج والوصايا

غَيِّر لَنَفْسَك، مش الأيام هِيِّي        الي بتغيِّر لمجرى الودايا

بناجي السما وَرَب البريِّة        نِتَّسِم بأحلى السجايا والمزايا

وِتّدوم البسمة الطفوليِّة            عَوَجه كل الخلايق والبرايا  

وتحت فَيِّة عَلَم الإنسانية        تتجمع كل الطوائف والرعايا

ونبقى بظل راية شفاعمريّة    قلعة الظاهرعمر أعظم سرايا

مثل النحل بذات الخَليّة              اذا بتعاون وسلام عِشنا

تظل ايامنا أعياد وهدايا