منال موسى تشعل الفيسبوك:بتنزلوا مقالات اني خدمت بالجيش؟ يا عيب الشوم
فجرت منال موسى ابنة دير الاسد والمشاركة في برنامج أراب ايدول في موسمه الثالث , مواقع التواصل الاجتماعي في رسالة وجهتها الى "فئة معينة من الحاقدين" على حد قولها وتعبيرها عندما كتبت على صفحتها الخاصة في الفيسبوك :" بتحكو عصوره انا وهيثم وعضو الكنيست؟؟؟ وين كانو الناس لما اتوقفنا بسجن كيشون وضلينا من تحقيق لتحقيق عالشارع مين وقف معنا??!!! كل هاذ عشان بدنا نوصل حلمنا نمثل بلدنا...بحقلناش؟؟ مثلنا مثل غيرنا،؟؟؟لك بتنزلو مقالات اني خدمت بالجيش،؟؟؟ يا عيب الشووم!!
وكانت منال موسى كتبت على صفحتها على الفيسبوك ما يلي :" مسا الخير وارجو النشر ..السرطان مش مرض والطاعون مش مرض المرض موجود داخل بعض العقول ..واعتذر اني بقول هالكلام بس صار لازم احكي وطبعا الكلام موجه لفئة معينه من الناس وليس للجميع...المرض في عقول البعض في لقلوب السوداء!!!لشو كل هالحقد؟؟ صرلي 3 سنين اعمل فيديوهات تراث فلسطيني مجانا بلا ولا قرش ..عروض تراث فلسطيني مجانا ولا قرش..حملات إغاثة وتبرعات وأعمال خيريه وهذا ليس معروف هذا واجبي كفلسطينييه بس السؤال وين كانت الآراء والصحافه لما عملت كل هاذ؟؟؟؟
واضافت منال موسى :" بتحكو عصوره انا وهيثم وعضو الكنيست؟؟؟ وين كانو الناس لما اتوقفنا بسجن كيشون وضلينا من تحقيق لتحقيق عالشارع مين وقف معنا??!!! كل هاذ عشان بدنا نوصل حلمنا نمثل بلدنا...بحقلناش؟؟ مثلنا مثل غيرنا،؟؟؟لك بتنزلو مقالات اني خدمت بالجيش،؟؟؟ يا عيب الشووم!! بتنزلو انو ابوي عسكري بالجيش....ولكو ابوي زلمه عقد حالو عمرو 55 سنه...إنهد حيلو وهو يشتغل ويتعب عشان يعلم بناتوو ابوي اللي مبكيش عموت أمو لانو دمعتو غاليه...بحياتي ماشفت دمعه ابوي إلا بحرب غزه !!!! بحياتها امي ما سمعت صوت بكاها وسهرها للصبح الا عقناه الاقصى وبحرب غزه!!!!!
وتابعت :" انا اللي غنيت ابكي وأصيح وبكيت من قلبي لاني شفت قدامي حي الشجاااااعيه....غنيت للوطن حكو ستغليت القضيه غنيت طرب حكيتو اني ناسيه القضيه ...طول عمري أغني تراث ليش محدا كتب عني؟؟؟!!!!إن الله على ما أقوله شهيد...وحسبي الله ونعم الوكيل ...وبالنسبه للي عم بدعموني الله يقدرني أوقف حدكو بنجاحكو أسفه عالاطاله وارجو النشر"
