تامر حسني يرد على المستهزئين من صورته

رد الفنان تامر حسني على المستهزئين الذين قاموا بالتعليق على الصورة التي كان قد قام بنشرها منذ يومين وذلك عبر صفحته الخاصة على أحد مواقع التواصل الإجتماعي.  

وعلق حسني قائلاً " لمن يهمه الأمر، من يومين نزلت صورة ليا وانا صغير وشغلت ناس كتير وفضلوا يتريقوا على الصورة في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجة غالية ولا عنده اب يشتريله حاجه اصلاً اللي عايز اقوله اني من يوم الصوره دي وانا حالف اني اتصورها بجد وانا مشهور الصورة دي بتثبت لأي شاب ايجابي ان مفيش مستحيل واللي عايز يتريق على الولد اللي فالصورة هقوله يارب تنجح زيه انا فخور بالصورة دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكراً يا ولد يا صغير اصرارك عمل مني راجل انسان فنان اسمه تامرحسني".