رثاء المرحوم عطا قدري ابو عبد الله

على غيابَك يا ولفي شاب شَعري                وانا اكتب رثائَك حِزِن شِعري

ودمعي بَلبَل الأوراق مَلّا                         لحتى صار يِدمَع وَجع حِبري

رَحيلَك زَرَع جوى القلب عِلّا                    وغَرَز فينا الألم مليون ابري

سواد الليل كل الكون مَلّا                         حتى نِشِف بالبستان زَهري

رَحيلَك يا عطا الأحزان خَلّا                     حرَق قلبي من النيران جمري

وامَّك صوتها العالي تَعَلّا                         قالَت يا روحي بكير بَدري

بِعُمْرَك يا عطا ما قلت كَلّا                       بكل موقف انت لبيت أمري

واختَك قلبها المحروق صَلّا                     يا ربي ارحم عطا خيي وعمري

برَحيلَك من الدنيا الفرح وَلّا                    ولما شُفِت قَبرَك شُفِت قَبري

اشتقت لأبوك يا ابو عبد الله                    ان شالله بَيَّك تشوفو بالجنه

رحمه عَ روحَك يا عطا قدري